250 TESDA scholars ang masayang dumalo ng kanilang “Mass Graduation”
May kabuuang 250 TESDA scholars ang masayang dumalo ng kanilang “Mass Graduation” na ginanap kahapon, Enero 30 sa San ildefonso, Bulacan. Sila ay nagtapos ng iba’t-ibang skills training sa ilalim ng Bausa Integrated Farm and Training Center (BIFTC). Ang mga sumusunod na training courses ang kanilang natapos: Production on High Quality Inbred Rice and Seed Certification and Farm Mechanization (5 batches); Landscape Installation and Maintenance NC II (2 batches); Agro-Entrepreneurship NC II (2 batches); at Agricultural Crops Production NC II (1 batch).
Nagbigay ng kanilang pagbati ang mga piling panauhin na pinangunahan ni Governor Daniel Fernando, Vice Governor Alex Castro, at Cong. Lorna Silverio. Dumalo rin si Mayor Fernando Galvez Jr. Nagsilbi namang Keynote Speaker si TESDA Deputy Director General Vidal Villanueva at samantalang ginawaran naman ni Regional Director of TESDA Region III ng katibayan ng pagtatapos ang mga graduates.
Nagpahatid din ng kanyang pagbati si Deputy Director General for TESD Operations Aniceto “John” Bertiz III na kinatawan ni TESDA Bulacan Provincial Director Gerty Pagaran.
Nakiisa rin sa pagtitipon si Ms. Jocelyn Badiola, Executive Director ng Department of Agriculture Agricultural Cultural Credit Policy Council (DA-ACPC) na katuwang ni Mr. Luis Bausa, Pangulo ng BIFTC para sa Agri-Pinay loan program na nagkaloob ng tulong pang-kapital sa piling Dumagat scholars.
#TESDAAbotLahat
#TeamWorkParaSaTESDATres
